· Hih laibu a gelhpa pen Tedim gam Saizang khua ah Clement Pu Awn Za Kham le Francisca Ning Za Cing te sungpan 1944, Oct 15 ni-in suak hi.
· Suahpih sanggam 10 lak ah a 4 na ahi hi.
· 1947, May 15 ni-in Fr. Dixneuf in a Ute nih tawh tuisawp hi.
· 1951-56 dong Saizang khua Kumpi sang ah kah hi.
· 1956-59 dong Mandalay Fr. Lafon sang ah kah hi.
· 1960-66 dong Nazareth, Anisakan Maymyo ah kah hi.
· 1966-68 Catholic Major Seminary Yangon ah kah hi.
· 1969, March kha in Agricultural Mechanization Department, Mingalardon ah Kumpi nasep kipan hi.
· 1977 in Sittwe, 1978 in Myinmu, 1983 in Kawlpi ah a kituah kawikawi khit ciangin Hakha Diocese Siadawpa Bishop Nicholas Mang Thang in biakna lam ah sem dingin zol ahih manin 2000, March kha in Kumpi nasep pan pesion la hi.
· Tua bangin Kumpi nasep a khawl ciangin Hakha Literature Commission ah Translation le Diocesan သာသနာ့အသံစာစောင် Editor sem hi.
· Hakha Diocese pan Kalay Diocese a ki ngah ciangin Kalay Diocese pan a ki hawm khia Fiat Journal ah zong Kawl-lai lam ah Joint Editor sem hi.
· Tua khit-teh damlohna tuamtuam hangin Kalay Diocese Bishop tung ah kingen in Diocesan Literature Commission pan 2013, January in khawl hi.
· Parish tawh kisai in Kalaymyo St. Mary's Parish ah 1991-96 dong a khatveina le 2008-2018 dong a nihveina Pawlpi Makaipi sem hi.
· 1972, December 14 ni-in Saizang Khua Matthias Pu Luan Vum le Joanna Pi Luan Lang Vung te tanu nga lak ah a nihna Maria Zo Khan Zen tawh sisan kinaina tawh kisai (dispensation) Fr. Timothy Pum Khan Nang in pia a, Fr. Peter Hla Shwe in Saizang khua Holy Rosary Biakinn ah kilethat sak hi.
· Tanu (2) le Tapa (2) nei a, tu-in a zi a ta te tawh Kawlpi ah teng hi.
· A ma deih Laisiangtho (Is 43: 1) hi a, Jacob a kicihna ah Lian Za Thang koih a, Israel a kicihna ah Germanus koih in sim hi.